26/10/2014 20:01:28

Futboll Femra: Vllaznia vijon të fitojë. The Door arrin fitoren e tretë

Vllaznia merrë fitoren e katërt rradhazi. Edhe The Door fiton akoma mundë Tirana AS

HermesNews - Java e katërt e vlefshme për futbollin femra dhuron spektakël në Shkoder. Luhen dy takime. Takimi i parë është luajtur në Golem në kompleksin "Hasaj" ndërmjet The Door Shkodra vs Tirana SA. Një takim i bukur dhe i luftuar nga të dyja ekipet në kërkim të fitores së takimit. Në fund fati i buzëqesh ekipit të The Door Shkodra që drejtohen nga tekniku Parmeza. Golat në këtë takim u shënuan për ekipin vendas nga Shega e Hasanit, ndërsa për ekipin mik shënoj Kotarja duke arritur që rrezultati 2-1 të jetë përfundimtari. Ne limit të kohes së rregullt ka pasur çaste ankthi në fushë, për shkak se Esmeralda Gjici e Tirana SA, pas një perplasje ka humbur ndjenjat, por që pas ndërhyrjes profesioniste të mjekëve të dy skuadrave çdo gjë u zgjidh me shpejtësi e qetësi. Po ashtu në këtë takim u dëmtua dhe portjerja e parë e Tirana AS Ina që u detyrua të mos e vazhdoj më takimin. The Door Shkodra kështu arrin fitoren e tretë rradhazi pas asaj të fituar ndaj Juban Danja, sot ka mundur një tjetër ekip të fortë Tirana AS. Tirana AS tregoj se është akoma jashtë forme të saj, dhe që duhet akoma punë për tu kthyer aty ku kërkon të jetë.

Ndeshja e dytë është luajtur në stadiumin "Loro Borici". Ai ndërmjet Vllaznia-Juban Danja. Një takim interesant, ku të dyja skuadrat kërkuan fitoren. Në fundë fiton Vllaznia 5-2 ndaj Juban Danja. Golat në këtë takim i shënuan: Tula, Baro, Berisha, Doçi dhe Kastrati, ndërsa për Juban Danja shënon dopjetë Rrotani. Vllaznia tregon se është ajo skuadra për tu mundur dhe me merit skuadra kampjone e vendit. Ndërsa Juban Danja me pak përmirsim mund pse jo të pretendoj për vendet e larta në klasifikim.

Arbër Meçenovi

Dërgo me email | Stampo artikullin